你係活咗一年，定係喺「自動導航」入面跳過咗一年？｜一杯｜半桶水｜廣東話

Liner notes

話咁快就十月。2026年淨返三個月。

心理學有個現象：細個嗰陣，一個暑假好似一輩子咁長；大個之後，幾個月眨吓眼就過。

因為細個嗰陣世界係新嘅，你嘅大腦每日都接收緊新刺激。但大個之後，你嘅生活變成咗「自動導航」——同一條路線返工、同一個位食飯、同一種情緒崩潰。當你每日都一模一樣，你嘅大腦會自動刪除呢啲重複嘅記憶。

今集用一套舊戲《命運自選台》（Click）講「自動導航」有幾恐怖。主角用遙控器跳過所有佢覺得煩嘅事，結果跳過咗仔女嘅成長、跳過咗同老婆嘅親密、跳過咗同老竇最後嘅見面。

佢活咗十年，但實際上只係將「返工、Skip屋企人」呢一日，重複咗三千幾次。

你呢？你今年係真係活咗十個月，定係只係將「返工、放工、碌電話」呢一日，重複咗三百幾次？

最後三個月，唔係用嚟遺憾嘅，係用嚟覺醒嘅。